Çiljeta ishte pjesë e kopërtinës së botuar online të “Revista Who” ku në një intervistë në formën e pyetjeve, ka zbuluar disa prej detajeve që sipas saj janë të panjohura për publikun.

“Kur isha e vogël, humbisja thuajse çdo ditë. Ngaqë isha shumë e lidhur me mamin e urreja kopështin. Nuk qëndroja aty dhe merrja rrugët të shkoja të kërkoja mamin nga Pazari i Ri deri tek ura e Kamzës në këmbë vetëm 3 vjeç e gjysmë për të shkuar tek puna e saj.”

“Kam pasur një periudhë në jetë time kur flija më dritë ndezur. Ende nuk e kam gjetur përgjigjen e atij fiksimi, por tani e urrej dritën kur fle gjumë.”

“Ushqimi im i preferuar janë jufkat e Dibrës. Vdes për sheqerpare dhe fasule, pra siç e kuptuat nuk jam vajza që ushqehet me haviar.

“Kam fjetur në makinë shumë herë, në periudhën kur nuk e dija çfarë bëhej me koncertet e mia, ngaqë kisha nga një, ka raste edhe dy çdo ditë. Më është dashur të udhëtoj në distanca të largëta duke qenë vetë në timon. Seriozisht nuk e di se si ia kam dalë.”

“Kam 5 tatuazhe në trup… Më i rëndësishmi është ai për diamantin tim, Fernandon.”

“Dua të shkruaj një libër për jetën time.”

“Kam qenë nxënëse e dhjetës, derisa u bëra e famshme.”

“Vdes të bëj surpriza dhe kam qenë ideatore e organizatore e thuajse të gjitha festave dhe propozimeve në shoqëri e fis.”

“Ëndërroj çdo ditë për një dasmë buzë detit, diku larg ku të jem vetëm unë, ai dhe njerëzit tanë të dashur.”

“Ka raste kur argëtohem me punët e shtëpisë, sidomos kur hekuros dhe jo, nuk po bëj shaka.”